安田紀念賽, 好幾隻實力馬都縮程. 但係人地外國馬有邊隻唔可以應付800米差別既? 大家絕對唔可以用閒話一句做例子, 話馬匹大幅縮程一定唔得. 根本閒話一句就係受制於香港既訓練模式. 人地日本馬一日訓練3 個鍾, 你訓練30 分鐘. 記住當年大震撼由 1200米 到 3200米都贏 過, 3200米 縮 2000米 一樣贏得.
伏特加最近好fit, 晨操於木屑跑道(板路)進行操練, 較廄侶後起步, 仲可以反先完成出試途程. 仲有大家要明白板路係比泥地更軟既場地, 200米可以做到 11.4 好似講緊草地10秒幾咁.... 即係最後 400米做到21秒左右. 而且伏特加 話如果贏 安田就跑凱旋門, 睇到好高!
最強對手我都係睇好天空深處, 始終伏特加贏打比o個屇對手冇隻好. 血統上天空深處一哩都好正宗, 質素亦好高, 途程變化適應能力好強. 不過如果唔落雨 我覺得就 天空深處 好o的喇. 毫無疑問伏特加係正宗過 天空深處 跑 1600. 今次在我心目中係佢真正既考驗. 如果買T 可以拖珠寶玉石同桂冠戰士.
大家絕對要留意珠寶玉石, 我係有信心會有place. 爸爸係kingmambo, 媽媽都唔差,. 係02 年既短途錦標同03 年既高松宮記念盟主. 珠寶玉石雖然未有咩實績支持,但係出賽14場從未試過大敗. 而上場京王盃走勢漸眼銳利, 後上衝入第3. 講真, 近十屇, 冇邊屇安田唔係守好位同中後上形既馬, 佢雖然下半年會更好, 但相信現在已經可以冷敲! 大膽講, 臨場有雨, 香港代表勝眼光有機會入位, 反之唔落雨起馬輸7個馬位.
Subscribe to:
Post Comments (Atom)
Posts
No comments:
Post a Comment